کراچی(نیوز ڈیسک)رینجرز نے بھیم پورہ میں کارروائی کے دوران بڑی تعداد میں اسلحہ برآمد کرکے ایک ملزم کو بھی گرفتار کرلیا۔ترجمان رینجرز کے مطابق کراچی کے علاقے بھیم پورہ میں کارروائی کرتے ہوئے بڑی تعداد اسلحہ برآمد کیا گیا جس میں 7 ایس ایم جی ، 5 تیس بور پستول، 2 سیون ایم ایم رائفل اور 2 بلٹ پروف جیکٹس شامل ہیں جب کہ اس دوران ایک ملزم کو بھی گرفتار کرلیا گیا۔ترجمان رینجرز کے مطابق گرفتار ملزم کا تعلق سیاسی جماعت سے ہے جو بلدیاتی انتخابات کے دوران بد امنی پھیلانے کا منصوبہ بنا رہا تھا جب کہ برآمد کیا جانے والا اسلحہ بھی کراچی میں بلدیاتی انتخابات کے موقع ہی استعمال ہونا تھا۔