اسلام آباد (آن لائن) وزیر اعظم میاں نواز شریف نے وفاقی کابینہ میں رد و بدل کے لئے اپنے قریبی ساتھیوں سے مشاورت شروع کر دی ہے ۔ میڈیا رپورٹس میں ذرائع کے حوالے سے کہا گیا ہے کہ پارٹی کے قریبی ذرائع اور وزیر اعظم کے رفقاء کے ساتھ بات چیت سے یہ بات سامنے آئی ہے کہ وزیر اعظم کابینہ میں چند نئے چہرے لانے پر غور کر رہے ہیں اور کابینہ سے ان وزراء کو نکال رہے ہیں ۔ جن کی کارکردگی بہتر نہیں تھی یا ان کی ساکھ کمزور تھی پاکستان مسلم لیگ(ن) کے ایک رہنما نے کہا ہے کہ دسمبر کے پہلے ہفتے میں موجودہ حکومت کے اڑھائی سال پورے ہو جائیں گے اور حکومت اپنی کارکردگی کا جائزہ لے گی اور ظاہر ہے کہ وزراءکی کارکردگی بھی زیر غور آئے گی حکومت نے چند ماہ قبل وزراءکی کارکردگی کے جائزہ لینے کا اعلان کیا تھا تاہم نامعلوم وجوہات کی بناءپر یہ مکمل نہ ہو سکا رپورٹس میں کہا گیا ہے کہ کارکردگی جائزہ رپورٹ میں بڑی وجہ وزیر داخلہ چودھری نثار علی خان ہیں جو تمام وزراء کی کارکردگی کی جانچ پڑتال چاہتے تھے ۔