اسلام آباد(نیوز ڈیسک)مسلم لیگ ن کے رہنما ظفر علی شاہ نے شناختی کارڈ دکھائے بغیر ووٹ کاسٹ کردیا، پی ٹی آئی کارکنوں کا شدید احتجاج، گو نواز گو کے نعرے ، گاڑی کا گھیراﺅ کرلیا۔تفصیلات کے مطابق وفاقی دارالحکومت میں ہونے والے بلدیاتی الیکشن میں مسلم لیگ ن کے سینئر رہنما ظفرعلی شاہ نے شناختی کارڈ دکھائے بغیراپناووٹ کاسٹ کردیا جس پر پولنگ سٹیشن پر موجود پی ٹی آئی کے کارکن مشتعل ہوگئے اورظفر علی شاہ کے ساتھ تلخ کلامی بھی کی۔ تحریک انصاف کے کارکنوں نے ظفر علی شاہ کی گاڑی کا گھیراﺅ کرلیا اور ” گونواز گو“ کے نعرے لگاتے رہے جس کے بعد بڑی مشکل سے ظفر علی شاہ وہاں سے نکلنے میں کامیاب ہوگئے۔ پریزائڈ نگ افسرنے موقف اپنایا کہ ہم نے ظفر علی شاہ کا شناختی کارڈ دیکھ کر ووٹ ڈالنے دیا۔