اسلام آباد (آن لائن) پاکستان پیپلزپارٹی کے راہنما شرجیل میمن نے کہاہے کہ ان کے خلاف نہ تو کوئی مقدمہ درج ہے اور نہ ہی کوئی تفتیش ہو رہی ہے ای سی ایل میں نام شامل کرنے کی بات سمجھ سے بالا تر ہے ۔ نجی ٹی وی کے پروگرام میں گفتگو کرتے ہوئے شرجیل میمن نے کہا کہ وہ ڈھائی ماہ سے سرجری کے لئے بیرون ملک موجود ہیں لیکن اب انہیں پتہ چلا ہے کہ ان کا نام ای سی ایل میں شامل ہو گیا ہے اس لئے وہ جلد واپس آئیں گے انہوں نے کہا کہ جس کی حکومت ہوتی ہے وہ اپنی مرضی سے اپنا قانون لاتا ہے چودھری نثار نے کہا تھا کہ عدالتی حکم کے بغیر کسی کا نام ای سی ایل میں نہیں ڈالا جائے گا انہوں نے کہا کہ میرے خلاف نہ تو کوئی مقدمہ درج ہے اور نہ ہی کوئی تفتیش چل رہی ہے ۔ ای سی ایل میں نام ڈالنے سے پہلے بتایا جاتا ہے لیکن مجھے نام شامل کرنے سے متعلق نہیں بتایا گیا انہوں نے کہا کہ میں جلد وطن واپس آ کر سامنا کروں گا ۔ وزارت پارٹی کی امانت ہے چاہے تو واپس لے سکتی ہے ڈاکٹروں نے مجھے آرام کے لئے کہا ہے لیکن میں وقت سے پہلے واپس آﺅں گا ۔