اسلام آباد (آن لائن) موسیقار اور گلوکار عدنان سمیع خان نے ابھی تک اپنی پاکستانی شہریت منسوخ نہیں کی ہے ابھی ضابطے اور دستاویزات کی کارروائی مکمل ہونا باقی ہے میڈیا رپورٹس کے مطابق ایک عہدیدار نے بتایا کہ نئی دہلی میں پاکستانی ہائی کمیشن نے ہمیں عدنان سمیع خان کا پاسپورٹ بھیجا ہے تاہم کاغذات اور دستاویزات نہیں بھیجی ہیں جو پاسپورٹ کی منسوخی اور شہریت کے لئے ہر سال زیادہ تر درخواستیں وصول کی جاتی ہیں انہوں نے کہا کہ مجھے حیرت ہے کہ اس کیس میں انہوں نے بغیر متعلقہ دستاویزات کے پاسپورٹ کا بھیجنا کافی سمجھا ؟ دریں اثناءڈائریکٹویٹ جنرل امیگریشن اور پاسپورٹ کے ایک عہدیدار نے بتایا ہے کہ ہم نے نئی دہلی میں پاکستانی ہائی کمیشن کو مراسلہ بھیجا ہے اور اس معاملے سے وزارت داخلہ کو بھی آگاہ کیا ہے ۔