لندن(نیوز ڈیسک) برطانوی وزیراعظم ڈیوڈ کیمرون نے کہا ہے کہ پیرس حملوں سے شام میں فوج فضائی کارروائی کرنے کے حوالے سے فیصلہ کرنے میں آسانی ہوگئی ۔ انہوں نے وعدہ کیا ہے کہ پارلیمنٹ سے شام میں فضائی کارروائیوں کے حوالے سے قرار داد منظور کرانے کے لیے وہ جامع حکمت عملی اپنائیں گے ۔ ان کا کہنا تھا کہ پیرس حملوں سے برطانیہ کا کیس مضبوط ہوگیا ، شام میں داعش کیخلاف جاری فضائی کارروائیوں کا حصہ بنیں گے ۔ اس معاملے پر پارلیمنٹ سے ووٹنگ کرائی جائیگی ۔داعش سے نمٹنے کیلئے ہمیں مزید کچھ کرنا پڑےگا، اپنے ملک کی حفاظت کیلئے ہر اقدام اٹھائیں گے ۔ ہمیں شامی شہر رقا میں داعش کے سر کو کچلناہوگا۔برطانوی پارلیمنٹ نے 2013 میں شامی فوج کیخلاف فضائی حملوں کی قرار داد مسترد کردی تھی ، عراق میں بھی داعش کے خلف جاری فضائی کارروائیوں کیلئے پارلیمنٹ نے قرار داد منظور کی تھی ، جس کے بعد برطانیہ ابھی بھی اس اتحاد کا حصہ ہے ۔