واشنگٹن (نیوزڈیسک) سی آئی اے کے سربراہ جان برینن نے خبردار کیا ہے کہ داعش یورپی ممالک میں مزید حملے کر سکتی ہے۔ میڈیا رپورٹ کے مطابق انہوں نے داعش اور دہشت گردوں سے مقابلے کیلئے یورپی انٹیلی جنس کی صلاحیتوں پر بھی تحفظات ظاہر کئے ہیں۔انہوںنے کہاکہ داعش کی جانب سے پیرس میں کئے گئے حملے آخری نہیں بلکہ دہشتگرد یورپ میں ایسی مزید کارروائیاں کر سکتے ہیں اور یورپی ممالک کیلئے ایسے حملے روکنا مشکل ہو گا کیونکہ ان کے پاس شام اور عراق میں لڑنے کے بعد گھر واپس آنے والوں کے بارے میں معلومات نہیں ۔انہوںنے کہاکہ یورپ میں امریکی شراکت داروں کو دہشت گردی کے مسئلہ سے نمٹنے میں مسائل درپیش ہوں گے کیونکہ ایک طرف تو شام اور عراق میں لڑ کر یورپ واپس آنے والوں کی تعداد بہت زیادہ ہے تو دوسرے مغربی ایجنسیوں کے پاس ان افراد کے بارے میں معلومات نہیں ہیں، ایسے افراد کا پتہ لگانے اور ان پر نظر رکھنے کیلئے کام کا بوجھ بہت زیادہ ہے۔