اسلام آباد(نیوز ڈیسک)پاکستان اور انگلینڈ کے درمیان کھیلے جانے والے تیسرے ون ڈے میچ میں پاکستان نے ٹاس جیت کر بیٹنگ کا فیصلہ کیا ہے۔میچ کیلئے پاکستانی ٹیم میں ایک تبدیلی کی گئی ہے اور ان فٹ یاسر شاہ کی جگہ ظفر گوہر کو شامل کیا گیا جبکہ انگلش ٹیم میں کوئی تبدیلی نہیں کی گئی۔پاکستان کرکٹ ٹیم کے کپتان اظہر علی نے کہا ہے کہ آج کا میچ انتہائی اہم ہے۔ انگلینڈ کو بڑے سے بڑا ہدف دینے اور میچ جیت کر سیریز میں فتح حاصل کرنے کی بھرپور کوشش کریں گے۔ واضح رہے کہ چار میچوں کی سیریز 1-1 سے برابر ہے اور آج کا میچ سیریز کے فاتح کا فیصلہ کرے گا۔