عمرکوٹ(نیوز ڈیسک) عمرکوٹ میں نامعلوم افراد نے مسلم لیگ (ن) کے جنرل کونسل کے امیدوار شبیر احمد کو فائرنگ کرکے قتل کردیا۔ عینی شاہدین کے مطابق عمرکوٹ کے علاقے شادی پلی کی یوسی بریجی کے جنرل کونسل کے (ن) لیگی امیدوار شبیر احمد اپنی دکان پر اپنے والد کے ہمراہ موجود تھے کہ 3 نامعلوم ملزمان نے ان پر فائرنگ کردی اور موقع سے فرار ہوگئے۔ فائرنگ کے نتیجے میں شبیر احمد زخموں کی تاب نہ لاتے ہوئے موقع پر ہی دم توڑ گئے۔ پولیس نے موقع پر پہنچ کر مقتول امیدوار کی لاش ہسپتال منتقل کرکے تفتیش کا آغاز کردیا۔ واقعے کے بعد مشتعل افراد نے عمرکوٹ میرپور خاص روڈ بلاک کردیا اور احتجاج کیا۔