بیروت(نیوز ڈیسک) داعش نے فرانس کے دارالحکومت پیرس کے بعد اپنے اگلے ہدف کا اعلان ایک نئے وڈیو میں کردیا ہے ۔ وڈیو میں کہا گیا ہے کہ پیرس کے بعداب امریکی دارالحکومت واشنگٹن ڈی سی اس کا اگلا ہدف ہوگا۔انہوں نے دعویٰ کیا کہ جیسے ہم نے فرانس کو اس کے قلب پیرس میں نشانہ بنایا ہے اسی طرح ہم امریکا کو اس کے مرکز واشنگٹن میں ہدف بنائیں گے ۔داعش کی جانب سے عراق وشام میں بمباری میں مصروف تمام ممالک جیسے برطانیہ ، آسٹریلیا ، کینیڈا کو بھی دھمکی دی گئی ہے ۔ یہ وڈیو داعش کے ایک ذیلی عراقی گروپ ولایت کرکوک نے جاری کی ہے جس میں پیرس دہشتگرد حملے کی فٹیج کو بھی شامل کیاگیاہے ۔عسکریت پسندوں نے کیمرے میں دیگر کو انتباہ کیا کہ انہیں بھی اسی قسمت کا سامنا ہوگا۔داعش کے جنگجوﺅں کا کہنا تھا کہ یورپی ہم آرہے ہیں ۔ ہم وہاں بوبی ٹریپس اور دھماکا خیز مواد کیساتھ آئیں گے ہمارے ساتھ خودکش بیلیٹیں اور سائبلنسر لگی گنیں ہوں گی اور یہ ممالک ہمیں روکنے سے قاصر ہوں گے کیونکہ آج ہم پہلے کے مقابلے میں زیادہ مضبوط ہیں ۔