اسلام آباد(آن لائن) تحریک انصاف کے قائد عمران خان کی بیوی کی نشست خالی ہونے پر شادی کی باقاعدہ درخواست کرنے والی خواتین کی تعداد 10 سے تجاوز کرگئی۔ تین خواتین نے عمران خان کی بہنوں جبکہ سات خواتین نے براہ راست اور سوشل میڈیا کے ذریعے عمران خان سے رابطے کئے ہیں۔ ذرائع نے آن لائن کا بتایا ہے کہ ادکارہ میرا، 21 سالہ سندس، 29 سالہ عالیہ ، بے باک ماڈل قندیل بلوچ ، 32 سالہ عابد ہ خان، 27 سالہ شانزے انعام خان اور دیگر شامل ہیں۔ تین نوجوان اور پرکشش لڑکیوں نے عمران خان کی بہنوں کے ذریعے رابطہ کیا ہے دھرنے کے دوران شادی کی پیش کش کرنے والی لڑکیاں اس کے علاوہ ہیں۔ ذرائع کا کہنا ہے کہ عمران خان فی الحال شادی جیسے تجربے کو دوبارہ دہرانے کے لیے ذہنی طورپر تیار نہیں ہیں۔ تاہم ان کی بہنوں نے ٹھان لی ہے کہ 2016 سے قبل یا پھر 2016 کے شروع میں عمران خان کے ایک پھر سر پر سہرا سجایا جائے۔