کراچی (نیوزڈیسک)سندھ میں بلدیاتی انتخابات کے دوسرے مرحلے کے لیے سکیورٹی انتظامات کے لیے فوج کی تعیناتی کا عمل شروع ہوگیا ہے ۔13اضلاع میں فوج کی 16کمپنیاں سکیورٹی کے فرائض انجام دیں گی ۔الیکشن کمیشن کے ذرائع کے مطابق بدین میں 4،حیدرآباد اور ٹھٹھہ میں دو دو کمپنیاں جبکہ سجاول ،نوشہرو فیروز ،جامشورو ،نواب شاہ ،دادو ،میرپور خاص ،عمر کوٹ اور مٹھی میں فوج کی ایک ایک کمپنی خدمات انجام دے گی ،سانگھڑ میں الیکشن ملتوی ہونے کے باعث وہاں تعینات فوج کی دو کمپنیوں کو بدین میں تعینات کردیا گیا ہے ۔فوج کی تعیناتی کا عمل بدھ تک مکمل ہوجائے گا ۔