اسلام آباد(نیوز ڈیسک)پاکستان کے وفاقی دارالحکومت اسلام آباد کے بین الاقوامی ائیر پورٹ پر اسمگنگ کی کوشش کرنیوالی ایک خاتون کو گرفتار کرکے بھاری مالیت کے منشیات برآمد کرلی گئی ہے ، ائیر پورٹ پر خاتون مسافر سے چار کلو ہیروئن برآمد کی گئی ہے ۔ ائیرپورٹ ذرائع کے مطابق خاتون اسمگلر براستہ استنبول جنوبی افریقہ جارہی تھی ۔ نمائندہ کے مطابق اینٹی نارکوٹکس فورس راولپنڈی نے بے نظیر انٹرنیشنل ائیر پورٹ پر کارروائی کی جہاں خاتون مسافر سے کلو 4 ہیروئن برآمد کرکے گرفتار کرلیا گیا ہے ۔ ائیر پورٹ ذرائع کا کہنا ہے کہ گرفتار خاتون اسمگلر کا تعلق لاہور سے ہے ۔