کراچی (نیوز ڈیسک) پرویز مشرف نے دعویٰ کیا ہے کہ عمران خان کی پارٹی پی ٹی آئی تیسری سیاسی قوت بننے میں ناکام ہوگئی ۔آل پاکستان مسلم لیگ کی سینٹرل ایگز یکٹو کمیٹی کے اجلاس سے خطاب کرتے ہوئے ان کا کہنا تھا اے پی ایم ایل ملک میں تیسری سیاسی قوت بن کر ابھر ے گی ، ملک کے عوام کو مسائل سے نجات دلانے کیلئے اے پی ایم ایل اپنا کردار ادا کریگی ۔پرویز مشرف نے بتایا کہ مسلم لیگی دھڑوں نے اے پی ایم ایل میں شمولیت کی یاداشت پر دستخط کردیئے ہیں ۔ اجلاس میں فیصلہ کیاگیا ہے کہ اے پی ایم ایل 2018 ءکے انتخابات میں بھرپور قوت سے حصہ لے گی ۔ اجلاس میں ملکی موجودہ سیاسی صورتحال اور مسلم لیگی دھڑوں کے انضمام اور تنظیمی امور پر بھی غور کیاگیا۔