اسلام آباد(نیوز ڈیسک) بری فوج کے سربراہ جنرل راحیل شریف پندرہ سے بیس نومبر تک امریکہ کا دورہ کریں گے۔ آرمی چیف امریکی قیادت سے ملاقاتوں میں خطے کی سکیورٹی صورتحال اور اہم امور پر تبادلہ خیال کریں گے۔ فوج کے شعبہ تعلقات عامہ کے مطابق آرمی چیف جنرل راحیل شریف پندرہ نومبر کو امریکہ کے دورے پر روانہ ہوں گے۔ پانچ روزہ دورے کے دوران آرمی چیف امریکہ کی سیاسی اور عسکری قیادت سے ملاقاتیں کریں گے۔ اعلیٰ سطح کی ملاقاتوں میں خطے کی سکیورٹی صورتحال پر بات کی جائے گی۔ ذرائع کے مطابق آرمی چیف امریکی قیادت کو آپریشن ضرب عضب کی کامیابیوں سے آگاہ کریں گے۔ پاک افغان سرحدی صورتحال اور افغان قیادت کے طالبان سے مذاکرات کے حوالے سے بھی تبادلہ خیال ہوگا۔