راولپنڈی(نیوز ڈیسک)سیاچن محاذ پر جوانمردی کی تاریخ رقم کر دینے والے لیفٹیننٹ کرنل (ر) ظفرعباسی غازی انتقال کرگئے ، کرنل غازی کے کارناموں کی عکاسی مشہور ڈراما سیریل الفا براوو چارلی میں کیپٹن کاشف کے کردار نے کی۔مشہور ڈارمہ سیریل الفا براو چارلی میں کیپیٹن کاشف کا کردار پاک فوج کیجس جانباز سے متاثر ہو کر لکھا گیا تھا وہ کوئی اور نہیں لیفٹیننٹ کرنل ریٹائرڈ ظفرعباسی غازی تھے۔لیفٹیننٹ کرنل (ر) ظفرعباسی غازی 1987ء میں وطن عزیز کی حفاظت کرتے ہوئے سیاچن کی خون جمانے والی سردی میں اپنے دونوں ہاتھ اوراپنی دونوں ٹانگیں گنوا بیٹھے تھے،پاک دھرتی کا یہ نڈر اور قابل فخر سپوت راولپنڈی کے سی ایم ایچ اسپتال میں رضائے الٰہی سے خالق حقیقی سے جا ملا۔معذوری کے باوجود انہوں نے ہمت نہیں ہاری،اپنے وطن سے محبت کا جذبہ ان کے دل میں جوش مارتا رہا، وہ پاک آرمی میں اپنی خدمات انجام دیتے رہیاور بعد میں بہ حیثیت لیفٹیننٹ کرنل ریٹائرڈ ہوئے۔لیفٹیننٹ کرنل (ر) ظفرعباسی غازی آخری وقت تک کام اپنے ہاتھ سیکرنا پسند کرتے،وہ مصنوعی ٹانگوں اور ہاتھ کی مدد سے چلتے پھرتے،کھاتے،عبادت اور ڈرائیونگ تک کرتے تھے۔پاکستانی قوم جان باز سپاہیوں کو سلام پیش کرتی ہے۔

دیکھئے شیریں مزاری کی بیٹی نے پی ٹی آئی کو کس طرح بدنام کر کے رکھ دیا

مزید پڑھئیے:ذولفقار مرزا کے ایان علی اور آصف زرداری کے بارے میں تہلکہ خیز انکشافات