اسلام آباد(نیوزڈیسک)پاکستان ایک اسلامی جمہوریہ پاکستان ہے اورپاکستان دوقومی نظریہ کی بنیادپروجود میں آیاتھا۔پاکستان سے قبل برادراسلامی ملک ترکی نے بھی لبرل ہونے کااعلان کیاتھا۔اور اب وزیراعظم نوازشریف نے کہاکہ پاکستانی عوام نے فیصلہ کرلیاہے کہ ان کامستقبل لبرل اورجمہوری پاکستان میں ہے ۔
وزیر اعظم نواز شریف نے کہا ہے کہ پاکستانی قوم نے فیصلہ کر لیا ہے کہ ان کا مستقبل ایک لبرل اور جمہوری پاکستان سے وابستہ ہے۔ انہوں نے یہ بھی کہا کہ حکومت کی بنیادی ترجیحات میں دہشت گردی کا خاتمہ، معیشت کی بحالی ، توانائی ،تعلیم اور صحت کی فراہمی شامل ہیں ،بلدیاتی انتخابات میں عوام نے حکومتی پالیسی پر اعتماد کا اظہار کیا ہے۔اسلام آباد میں پاکستان سرمایہ کاری کانفرنس سے خطاب میں انہوں نے کہا کہ حکومتی اخراجات میں نمایاں کمی لائی گئی ہے ، ہم نے ملکی ترقی کے لیے مشکل فیصلے کیے، گزشتہ ڈھائی برس میں حکومت نے اہم اہداف حاصل کیے ہیں۔وزیراعظم کا کہناتھا کہ ہماری توجہ صرف توانائی کی بحالی پر نہیں بلکہ اگلے 20 برس کی ضروریات پر ہے،گیس کی بنیاد پر 3 بڑے پاور پلانٹ تیار کررہے ہیں ، 2017 ءتک ملک سے لوڈشیڈنگ ختم کردیں گے، ہم متعدد ہائیڈل پروجیکٹس پر بھی کام کررہے ہیں۔ انہوں نے مزید کہا کہ اقتصادی راہداری کے لئے 25 صنعتی زون بنائے جا رہے ہیں، روس کے ساتھ گیس پائپ لائن کے منصوبے کا معائدہ طے پا چکا ہے،پاکستان کی معاشی ترقی کو موڈیز نے بھی تسلیم کیا ہے۔