پشاور(نیوزڈیسک)نیا خیبرپختونخوا،عمران خان نے تاریخی منصوبے کا اعلان کردیا…تحریک انصاف کے چیئرمین عمران خان نے کہا ہے کہ تحریک انصاف کے دبائو کے باعث بلدیاتی الیکشن کرائے گئے، حکومت پیسے پر کنٹرول کے لئے اختیار اپنے پاس رکھ لیتی ہے، پاکستان دنیا کا مقروض ترین ملک بن گیا ہے۔نیوز کانفرنس کرتے ہوئے عمران خان نے کہا کہ خیبر پختونخوا میں آبادی کے حساب سے فنڈز نچلی سطح پر جائیں گے۔ پہلی بار گائوں کی سطح پر فنڈز دیں گے۔انہوں نے کہا کہ پشاور کے لیڈی ریڈنگ ہسپتال میں سات سال سے عمارت بن رہی ہے، سات ارب روپے لگ چکے ہیں۔ہماری حکومت نے جنوری2015میں ہسپتالوں کو خود مختار بنانے کا بل پاس کیا۔ ہسپتالوں میں مافیا بننے والے لوگوں کو ختم کریں گے، ان کے نام اخبار میں شائع کرائے جائیں گے۔ہسپتالوں کو حکومت کے کنٹرول سے باہر نکالیں گے اور بورڈ آف گورنرز کے تحت لایا جائے گا۔مافیا اسٹے آرڈر کے پیچھے چھپا ہوا ہے، ہم اس کو ختم کراکے معاملہ حل کریں گے ورنہ کہا جائے گا کہ پختونخوا حکومت ناکام ہوگئی ہے۔ہم چاہتے ہیں کہ ہمارے سرکاری ہسپتال پرائیویٹ ہسپتالوں کا مقابلہ کریں۔