گجرات(نیوز ڈیسک)ڈنگہ کے علاقے میں مسلح افراد کی فائرنگ سے 3 افراد جاں بحق جب کہ 2 طالب علم زخمی ہو گئے۔ گجرات کے علاقے ڈنگہ کے نواحی گاؤں چنن اڈہ میں موٹر سائیکل پر سوار ملزمان کی فائرنگ سے 3 افراد جاں بحق جب کہ اسکول جانے والے 2 طالب علم زخمی ہوگئے۔فائرنگ کے بعد ملزمان موقع سے فرار ہو گئے جب کہ زخمی ہونے والے دونوں طالب علموں کو طبی امداد کے لئے فوری طور پر اسپتال منتقل کردیا گیا۔ پولیس نے واقعہ کا مقدمہ درج کر کے تحقیقات کا آغاز کردیا ہے تاہم تاحال کوئی گرفتاری عمل میں نہیں آئی ہے۔