لاہور(نیوز ڈیسک)حکمران جماعت مسلم لیگ (ن) اور تحریک انصاف کے کارکنوں میں تصادم کے نتیجے میں پی ٹی آئی کا ایک کارکن جاں بحق اور 4 زخمی ہوگئے۔ واقعے کے خلاف تحریک انصاف کے کارکنوں نے تھانا یکی گیٹ کے سامنے احتجاج کیا۔اس موقع پر تحریک انصاف کیرہنماچودھری سرور اورعبدالعلیم خان بھی پہنچ گئے۔ تحریک انصاف کے رہنما شفقت محمد نے کہا کہ واقعہ غنڈا گردی کی بدترین مثال ہے،ہم نے واقعے کیخلاف رپورٹ درج کرادی ہے۔پولیس نے یقین دہانی کرائی ہے کہ ملزمان کے خلاف جلد ہی کارروائی کی جائے گی، فوری طور پر کارروائی نہ کی گئی تو حالات مخدوش ہوں گے۔شفقت محمود نے کہا کہ پولیس نے یقین دہانی کرائی ہے کہ ایف آئی آر میں دہشتگردی کی دفعات بھی شامل کی جائیں گی۔ہم سے وعدہ کیاگیاہے کہ رات کوہی گرفتاریاں کی جائیں گی۔آئندہ کیلائحہ عمل کا اعلان صبح کریں گے۔ادھر وزیراعلیٰ پنجاب شہباز شریف نے واقعے میں نوجوان کے جاں بحق ہونے پر افسوس کا اظہار کیا ہے اور2گروپوں کے درمیان تصادم کا نوٹس لیتے ہوئے سی سی پی اولاہور سے یکی گیٹ واقعے کی رپورٹ طلب کر لی۔