واشنگٹن(نیوزڈیسک) وزیراعظم نواز شریف کی امریکی نائب صدر جو بائیڈن سے ملاقات ہوئی ہے، ملاقات میں دونوں رہنماؤں نے خطے میں امن او خوشحالی کے حوالے سے عزم کا اظہار کیا۔ سیکرٹری خارجہ اعزاز چودھری، پاکستانی سفیر جلیل عباس جیلانیو بیگم کلثوم نواز، وزیرداخلہ چودھری نثار اوراسحاق ڈار بھی ملاقات میں موجود تھے۔ وزیر اعظم نواز شریف کا کہنا تھا کہ گزشتہ 2 سال میں پاکستان نے خاطر خواہ معاشی ترقی حاصل کی۔ امریکی نائب صدر جو بائیڈن کا کہنا تھا کہ دہشتگردی کے خلاف جنگ میں پاکستان کا کردار قابل تعریف ہے۔وزیراعظم نواز شریف نے امریکی نائب صدر جوبائیڈن سے ناشتے پر ملاقات کی۔ ملاقات میں عوامی دلچسپی اور دو طرفہ تعلقات پر تبادلہ خیال جبکہ ملاقات میں دہشتگردی کے خلاف جنگ میں پاک امریکہ تعاون کے امور پر بھی غور کیا گیا۔ وزیراعظم نواز شریف نے جوبائیڈن کو حکومت کی ترجیحات اور پالیسیوں سے آگاہ کیا۔وزیراعظم نے کہا پاکستان نے گزشتہ دو سال میں خاطر خواہ معاشی ترقی حاصل کی ۔ امریکی نائب صدر جوبائیڈن نے دہشت گردی کیخلاف جنگ میں پاکستان کی قربانیوں کا اعتراف کرتے ہوئے کہا دہشت گردی کیخلاف جنگ میں پاکستان کا کردار قابل تحسین ہے۔ ملاقات میں بیگم کلثوم نواز، وزیر داخلہ چودھری نثار، وزیر خزانہ اسحاق ڈار اور خواجہ آصف بھی شریک تھے۔ وزیر اعظم نواز شریف اور امریکی صدر باراک اوبامہ کی اہم ملاقات آج ہو گی۔ملاقات میں امریکی فورسز کی افغانستان میں موجودگی میں توسیع اور پاک بھارت تعلقات زیر بحث آئیں گے۔ نواز شریف امریکی صدر کو بلوچستان ، فاٹا اور کراچی میں بھارتی مداخلت کے ثبوت پیش کریں گے ۔ وائٹ ہاؤس کا کہنا ہے کہ ملاقات میں سکیورٹی سے متعلق مسائل پر بات چیت سرفہرست رہے گی۔