واشنگٹن(نیوز ڈیسک)پاکستان نے کراچی،فاٹااوربلوچستان میں بھارتی مداخلت کے دستاویزی ثبوت امریکاکودے دیے ہیں۔وزیراعظم نوازشریف سےامریکی وزیرخارجہ نے ملاقات کی جس میں جان کیری نے آپریشن ضرب عضب اورتوانائی کی ضروریات پوری کرنے کیلئے تعاون پرآمادگی کااظہارکیا۔وزیراعظم نوازشریف کی صدر اوباماسے ملاقات آج ہوگی۔پاکستان نےاقوام متحدہ کے بعد امریکاکوبھی پاکستان میں بھارتی مداخلت کے ثبوت پیش کردیے ہیں۔امریکی وزیر خارجہ جان کیری نےوزیراعظم نوازشریف سے واشنگٹن میں ملاقات کی جس میں یہ ثبوت پیش کیے گئے۔وزیراعظم نے امن کے لیے اقوام متحدہ میں اپنی تقریر کے نکات سے بھی جان کیری کو آگاہ کیا اورمسئلہ کشمیر پربھی بات ہوئی۔امریکی وزیر خارجہ نے آپریشن ضرب عضب کو بھی سراہا اور کہا کہ اس آپریشن کی کامیابی، وزیراعظم نواز شریف کی قیام امن کی پالیسی کا ثبوت ہے۔ انہوں نے پاکستان کو امریکی تعاون کی یقین دہانی بھی کرائی۔ انہوں نے خطے میں امن و سلامتی کے لیے وزیراعظم کی کوششوں کو سراہا۔