کوٹلی(نیوزڈیسک).وزیراعظم محمد نواز شریف نے کہا ہے کہ اوکاڑہ میں دو لیگی امیدواروں کامقابلہ پارٹی کاغلط فیصلہ تھا، کہا کہ ٹانگیں کھینچنے والے ٹانگیں کھینچتے رہ جائیں گے لیکن کھینچ نہیں پائیں گے۔ دوبارہ ہونیوالے انتخاب کے نتائج تسلیم نہ کرنا سنجیدگی نہیں۔ وزیراعظم نواز شریف نے کوٹلی آزاد کشمیر میں100میگاواٹ کے گل پور ہائیڈرو پراجیکٹ کا سنگ بنیاد رکھ دیا، تقریب سے خطاب میں کہا کہ جو لوگ حکومت کو کام کرنےسےروک رہے ہیں انہیں ساتھ آنے کی دعوت دیتے ہیں۔ وزیراعظم نوازشریف نے کہا کہ اوکاڑہ میں ان کی پارٹی کے غلط فیصلے کی وجہ سے دو لیگیوں میں مقابلہ ہوا، جبکہ مخالف امیدوار کی تو ضمانت ہی ضبط ہوگئی ہے۔ –