لاہور (آن لائن) وزیر اعظم پاکستان میاں محمد نواز شریف نے کہا کہ شہباز شریف مجھے دن میں دو سے تین فون کالز ضرور کرتے ہیں ۔ کبھی جہاز میں تو کبھی میٹنگ کے دوران اور ہمیشہ یہی کہتے ہں کہ افسران کو کہیں کہ کام کل نہیں آج مکمل ہونا چاہئے ۔ ہفتہ کے روز وزیر اعظم پاکستان میاں محمد نواز شریف نے اورنج لائن منصوبے کی بریفنگ کے بعد میڈیا کے نمائندوں سے گفتگو کرتے ہوئے کہا کہ وزیر اعلی پنجاب شہباز شریف بہت نیک دل انسان ہیں انہوں نے اس ملک کی ترقی کے لئے بھرپور محنت کی ہے میں انہیں خراج تحسین پیش کرتا ہوں ۔وزیر اعظم نے کہا کہ شہباز شریف اس قدر محنتی ہیں کہ وہ دن میں دو سے تین بار مجھے کال کرتے ہیں کئی بار میں جہاز میں ہوتا ہوں اور کئی بار میں میٹنگ میں ہوتا ہوں ۔ شہباز شریف جب بھی کال کرتے ہیں تو ہمیشہ یہی کہتے ہیں کہ افسران کو کہیں کام کل نہیں مکمل کرنا آج ہی مکمل کرنا ہے ۔