اسلام آباد (آن لائن ) پاکستان تحریک انصاف نے وزیر اعظم نواز شریف کی لاہور میں پریس کانفرنس ، ملاقاتوں کے دوران خطاب اور اورنج لائن منصوبے کی تشہیر کو خاموش انتخابی مہم قرار دیتے ہو ئے الیکشن کمیشن آف پاکستان سے نو ٹس لینے کا مطالبہ کیا ہے ہفتہ کو روز جاری بیان میں تحریک انصاف کے ترجمان نعیم الحق نے اپنے بیان میں کہا ہے کہ شریف براداران نے اورنج لائن منصوبے کی تشہیر کر کے حلقہ این اے 122کے انتخابات پر اثر انداز ہونا چاہیتے ہیں ، انتخابی مہم ختم ہونے کے باوجود وزیر اعظم نواز شریف پریس کانفرنسوں اور اعلان کے زریعے خاموش مہم چلا رہے ہیں الیکشن کمشن وزیر اعظم کی تشہیری تقریر کا نوٹس لے ترجمان تحریک انصاف نے کہا کہ صوبائی الیکشن کمشنر اور حکومت نے پی ٹی آئی کیخلاف گٹھ جوڑ کر رکھی ہے ، اور جسٹس (ر) کیانی نے پورے الیکشن کمیشن کو اندھا کر رکھا ہے ۔پریس کانفرنس کے خلاف الیکشن کمیشن کو خط لکھیں گے۔