لاہور (نیوز ڈیسک)پاکستان تحریک انصاف نے این اے 122ضمنی انتخاب کے حوالے سے پولنگ سٹیشن کی نگرانی کیلئے پنجاب بھر سے 10ہزار کارکن لاہور طلب کر لیے ہیں۔نجی ٹی وی چینل کے مطابق پی ٹی آئی نے پنجاب اسمبلی اور قومی اسمبلی کے پنجاب سے تعلق رکھنے والے اراکین کو لاہور پہنچنے کی ہدایات کر دی ہیں جبکہ 10ہزار کارکنوں کو بھی طلب کرلیاہے۔پی ٹی آئی ذرائع کا کہناہے کہ پی ٹی آئی ہر پولنگ سٹیشن پر ایم این اے کی قیادت میں کارکن تعینات کرے گی جو کہ کسی بھی قسم کی بدنظمی ،بد انتظامی اور دھاندلی کے واقعے کی ویڈیو بنائیں گے اور لاہور چیئرمین سیکریٹریٹ میں بھیجیں گے ،پی ٹی آئی نے لاہور چیئرمین سیکریٹریٹ میں مانیٹرنگ سیل بھی بنانے کا فیصلہ کیاہے جہاں سے این اے 122کے تمام پولنگ سٹیشنز کی نگرانی کی جائے گی۔