لورا لائی (نیوز ڈیسک) لورالائی میں ایف سی کی زیر اہتمام 57ویں پاسنگ آوٹ تقریب کا انعقاد۔ پاسنگ آوٹ تقریب سے خطاب کرتے ہوئے چودھری نثار نے کہا ابھی کام مکمل نہیں ہوا جوانوں کو کام مکمل کرنا ہے، دہشت گردی کیخلاف جنگ صرف بلوچستان کی نہیں بلکہ پاکستان اور اسلام کی ہے۔ چند سال پہلے کہا جاتا تھا کہ بلوچستان کے کئی علاقوں میں پاکستان کا پرچم سر بلند نہیں ہوتا۔ انہوں نے کہا فساد کرنے والوں کی مالی مدد بھی ہمارے دشمن کرتے ہیں۔ اس زمین کو فساد سے پاک کرنا ہے۔ انہوں نے کہا کچھ علاقے رہ گئے ہیں جہاں دہشت گرد بچ گئے ہیں۔ بلوچستان کی عوام کے لئے جتنا بھی کیا جائے وہ کم ہے۔ باہر بیٹھے لوگ بلوچستان کے لوگوں کو اپنے مقاصد کے لئے استعمال کرتے ہیں۔ بلوچستان میں فساد برپا کرنے والوں کے پیچھے پاکستان دشمن طاقتیں ہیں۔ اس سرزمین کا چپہ چپہ ہمیں عزیز ہے۔ انہوں نے کہا پاکستان اور بلوچستان کا مستقبل ایک ہے۔ پاکستان اور بلوچستان کی سلامتی ایک دوسرے سے جڑی ہوئی ہے۔