اسلام آباد(نیوز ڈیسک) وفاقی حکومت نے وزیر اعظم کے کسان پیکیج کو معطل کرنے سے متعلق الیکشن کمیشن کے فیصلوں کو ہائی کورٹ میں چیلینج کردیا ہے۔وفاقی حکومت کی جانب سے اسلام آباد ہائی کورٹ میں دائر درخواست میں کہا گیا ہے کہ کسان پیکج کاسندھ،پنجاب،اسلام آبادکےبلدیاتی انتخابات سےکوئی تعلق نہیں،

مزیدسنئے:خبردار ہوشیار، پاکستان میں کسی بھی ویب سائٹ پر آن لائن شاپنگ کرنے سے پہلے یہ ویڈیو ضرور دیکھ لیں۔ آپ کے ساتھ بھی ہاتھ ہوسکتا ہے۔

الیکشن کمیشن نے وزارت خزانہ،پلاننگ ڈویڑن کو سنے بغیر کسان پیکج معطل کیا، کسان پیکج پر الیکشن کمیشن کی جانب سے عمل درآمد روکنے کا فیصلہ کالعدم قرار دیا جائے اور درخواست پرفیصلےتک الیکشن کمیشن کے فیصلے پرحکم امتناع جاری کیا جائے۔واضح رہے کہ الیکشن کمیشن نے وزیر اعظم کے کسان پیکیج کو بلدیاتی انتخابات کے ضابطہ اخلاق کی خلاف ورزی قرار دیتے ہوئے 3 دسمبر تک اس پر عمل درآمد رکوا دیا تھا تاہم گزشتہ روز وزیر اعظم نے اٹارنی جنرل کو فیصلے خلاف عدالت جانے کی ہدایت کی تھی۔