نیویارک(نیوزڈیسک)وزیراعظم محمدنوازشریف نے اٹلی کے ہم منصب میتیورینزی سے ملاقات کی،دونوں وزرائے اعظم نے تجارتی اقتصادی تعلقات کومزیدمستحکم بنانے پراتفاق کیا۔اقوام متحدہ کے ہیڈکوارٹرمیں ہونے والی ملاقات میں دوطرفہ اموراورتعلقات بڑھانے پربات چیت کی گئی ۔اس موقع پر اٹلی کے وزیراعظم نے کہاکہ پاکستان سے صرف شراکتداری نہیں بہترین دوستی ہے ،اٹلی کاتجارتی وفدجلدپاکستان کادورہ کریگا،اٹلی کمپنیاں پاکستان میں سرمایہ کاری پرفائدہ اٹھائیں۔وزیر اعظم نواز شریف نے اٹلی کے سرمایہ کاروں کو دعوت دی ہے کہ وہ پاکستان میں مختلف شعبوں میں سرمایہ کاری کریں۔