اسلام آباد(آن لائن)وفاقی وزیرپانی وبجلی خواجہ آصف نے کہاہے کہ نندی پورپاورپراجیکٹ منصوبے کی تکمیل میں تاخیرکی وجہ گزشتہ دورحکومت ہے ،منصوبے کے اندرخلل پڑنے والے کااحتساب کیاجائیگا۔نجی ٹی وی سے گفتگوکرتے ہوئے انہوںنے کہاکہ نندی پورپاورمنصوبہ فیول ٹریٹمنٹ پلانٹ ناکافی ہے ،ایک طرف نندی پورپراجیکٹ کی مشینری دیرتک پڑی تھی ،جس سے نقائض پیداہوئے ،فیول ٹریٹمنٹ پلانٹ کے معاملے پرجواب لیاجائیگا۔منصوبے کے اندرخلل پڑنے والے کااحتساب کیاجائیگا،بہت سے مسائل کے باوجودنندی پورپراجیکٹ بندکرنے کے بجائے اسے فنکشنل بنایاجائیگا۔آئندہ چنددنوں میں نندی پورپراجیکٹ کے حوالے سے اہم فیصلے متوقع ہیں ۔انہوںنے کہاکہ آڈٹ رپورٹ سے تمام مسائل سامنے آجائیںگے ۔حکومت کی پوری کوشش ہے کہ توانائی کے مسئلے مقررہ وقت میں پورے کئے جائیں ،اورعوام سے کئے گئے وعدوں پرپورااترے،ہم وعدے نہیں کام کرکے دکھائیںگے ،اس پورے معاملے کی ذمہ داری میری ہے ،اس منصوبے کوبہت عرصے تک ہمیں یہ پتہ نہیں چل رہاتھاکہ یہ منصوبہ بجلی کیوں نہیں دے رہااس پرقوم سے معذرت خواہ ہوں۔