اسلام آباد(نیوز ڈیسک)شوال میں سیکیورٹی فورسز کی فضائی کارروائی کے نتیجے میں 14 دہشت گرد ہلاک جب کہ ان کے متعدد ٹھکانے تباہ ہوگئے۔آئی ایس پی آر کے مطابق سیکیورٹی فورسز نے شمالی وزیرستان کے علاقے شوال میں دہشت گردوں کے خلاف فضائی کارروائی کی جس کے نتیجے میں 14 دہشت گرد ہلاک ہوگئے، کارروائی کے دوران دہشت گردوں کے متعدد ٹھکانے بھی تباہ کردیئے گئے۔واضح رہے کہ پاک فوج نے آپریشن ضرب عضب کے دوران شمالی وزیرستان کے بیشتر علاقوں سے دہشت گردوں کا صفایا کردیا ہے جب کہ شوال میں دہشت گردوں کے خلاف کارروائیوں کو تیز کردیا گیا ہے۔