لند ن(نیوزڈیسک) وفاقی وزیرداخلہ چوہدری نثارعلی خان نے کہاہے کہ پاکستان اوربرطانیہ کے تعلقات بہت اہمیت کے حامل ہیں ۔انہوں نے کہاکہ پاکستان برطانیہ کے ساتھ تعلقات کووسعت دینے کاخواہاں ہے ۔وفاقی وزیرداخلہ چوہدری نثارعلی خان نے جمعہ کے روز برطانوی وزیرخارجہ فلپ ہیمنڈسے ملاقات کی ،اس موقع پر برطانیہ میں پاکستان کے ہائی کمشمنراور فارن آفس کے دیگر حکام بھی شریک تھے ۔چوہدری نثارعلی خان نے کہاکہ پاکستان اوربرطانیہ کے درمیان بہت سے معاملات پرپالیسی مشترک ہے ۔انہوں نے کہاکہ بھارت امن کی تمام کوششوں کوسبوتاژ کررہاہے اورکشمیرسمیت تمام اہم ایشوزپرمذاکرات کرنے سے گریزاں ہے ۔انہوں نے پاکستان اوربرطانیہ کے درمیان حوالگی ملزمان کے مجوزہ معاہدے پربھی بات چیت کی ۔