کراچی ( مانیٹرنگ ڈ یسک) مبینہ کرپشن کے الزامات ، عدالت نے سابق وزیر اعظم یوسف رضا گیلانی اور سابق وفاقی وزیر مخدوم امین فہیم کے ناقابل ضمانت وارنٹ جاری کرتے ہوئے گرفتار کرنے کا حکم دے دیا ، نجی ٹی وی دنیا نیوز کے مطابق ایف آئی اے نے سابق وزیر اعظم یوسف رضا گیلانی ور امین فہیم کے 12 مقدمات کے چالان عدالت میں پیش کیے ، عدالت نے فیصلہ سناتے ہوئے ایف آئی اے ٹیم کو حکم جاری کیا ہے کہ انہیں 10ستمبر سے پہلے گرفتار کرکے عدالت میں پیش کیا جائے ،ذرائع کے مطابق پیپلز پارٹی کے دونوں سینئر رہنماﺅں پر کرپشن کے مختلف الزمات لگائے گئے جس میں کہا گیا ہے کہ انہوں نے اپنے دور حکومت میں 50کروڑ روپے کی کرپشن کی ہے، کہا جارہا ہے کہ کرپشن کی رقم وزیراعظم کی تنخواہ کے اکاؤنٹ میں جمع کرائی گئی، سندھ کے اہم ترین عہدے پر تعینات شخصیت کے صاحبزادے کی آڈٹ کمپنی کے2 ڈائریکٹرزبھی ملزمان کی فہرست میں شامل ہیں ، یوسف رضاگیلانی کے معتمد خاص اور سابق سیکریٹری وزیراعظم ہاؤس محمدزبیر سے کی جانے والی تفتیش کی روشنی میں ناقابل تردید شواہدکی موجودگی انتہائی مضبوط کیس تیارکیے گئے ہیں ، ٹریڈ ڈیولپمنٹ اتھارٹی مالی اسکینڈل میں ایف آئی اے کراچی نے گذشتہ سال اہم کامیابیاں حاصل کی تھیں اورکاغذی کمپنیوں کے نام پر اربوں کی فریٹ سبسڈی حاصل کرنے کے الزام میں سابق وزیراعظم یوسف رضا گیلانی اور مخدوم امین فہیم کیخلاف درجنوں مقدمات درج کیے تھے۔تاہم بعد ازاں وفاقی حکومت کی مفاہمتی پالیسی آڑے آگئی اور ایف آئی اے کو تقریباً ایک سال تک بیشتر مقدمات میں حتمی چالان جمع کرنے کی اجازت نہیں دی گئی، تاہم ڈائریکٹر ایف آئی اے سندھ زون شاہد حیات کی جانب سے اس سلسلے میں ایف آئی اے اور وزارت داخلہ کومسلسل یاددہانی کرائے جانے کے نتیجے آخرکارکچھ دن قبل ایف آ ئی اے کو حتمی چالان جمع کرانے کی اجازت دیدی گئی،