کراچی (نیوزڈیسک) وزیراعلی سندھ سید قائم علی شاہ نے کراچی اورسند ھ میں رینجرز کے اختیارات میں 4ماہ کی توسیع کردی ہے ۔ایک نجی ٹی وی چینل کے مطابق وزیراعلی سندھ نے رینجرز کے اختیارات میں 4ماہ کی توسیع انسداد دہشتگردی ایکٹ کے تحت کی گئی ہے ۔اس سلسلے میں سندھ حکومت نے باضابطہ نوٹیفکیشن جاری کردیاہے جس کے تحت رینجرز سندھ اورکراچی میں مزید 4ماہ تک آپریشن جاری رکھ سکے گی ۔واضح رہے کہ وفاقی حکومت کی درخواست پروزیراعلی سندھ نے اس سے قبل رینجرز کے اختیارات میں ایک ماہ کی توسیع کی تھی اوربعد میں سندھ اسمبلی میں بحث کی گئی اوراب وزیراعلی سندھ سید قائم علی شاہ نے رینجرز کے اختیارات میں مزید 4ماہ کی توسیع کردی ہے ۔