اسلام آباد(نیوز ڈیسک) ورکنگ باو¿نڈری پر سخیال گاو¿ں میں بھارتی فوج کی بلااشتعال فائرنگ سے 2 افراد جاں بحق اور 5 زخمی ہوگئے۔پاک فوج کے شعبہ اطلاعات عامہ ( آئی ایس پی آر) کے مطابق بھارتی فوج کی جانب سے سیالکوٹ ورکنگ باو¿نڈری پرسخیال گاو¿ں میں آج صبح بلا اشتعال فائرنگ کی گئی جس کے نتیجے میں 2 افراد جاں بحق ہوگئے، شہید ہونے والوں میں 14 سال کا عاطف اور 22 سال کا محمد عرفان شامل ہے جب کہ بھارتی فائرنگ سے 3 خواتین اور2 بچوں سمیت 5 افراد شدید زخمی بھی ہوئے۔ آئی ایس پی آر کے مطابق بھارتی فوج کی فائرنگ کے بعد پنجاب رینجرز کی جانب سے بھر پور جوابی کارروائی کی گئی ہے۔ اس سے قبل سیالکوٹ کے ہی بجوات سیکٹر پربھارتی فوج کی جانب سے بلا اشتعال فائرنگ اورگولہ باری کی گئی تھی۔واضح ر ہے کہ گزشتہ کئی ماہ سے کنٹرول لائن اور ورکنگ باو¿نڈری پربھارتی فوج کی جانب سے بلا اشتعال فائرنگ اور گولہ باری جاری ہے جس سے متعدد شہری نقل مکانی پر مجبور ہوگئے ہیں۔