اسلام آباد(سپیشل رپورٹ)مظفر گڑھ میں مبینہ پولیس مقابلے میں ہلاک ہونے والے کالعدم لشکر جھنگوی کے سربراہ ملک اسحاق کے مارے جانے کے بعد ان کی جگہ آصف الیاس المعروف چھوٹو کو امیر مقرر کر دیا گیا۔آصف الیاس اس وقت کالعدم لشکر جھنگوی کے آپریشن کمانڈر ہیں اور بلوچستان میں روپوش ہیں ۔ان کا مبینہ طور پر بی ایل اے اور بی ایل ایف کے سربراہ ڈاکٹر منظر کیساتھ اتحاد ہے جو کہ ملک دشمن سرگرمیوں میں ملوث ہیں ۔ان کے سرے داعش سے بھی جڑے ہوئے ہیں ۔آصف کا تعلق ڈیرہ غازی خان سے بتایا جارہا ہے ۔ذرائع کا کہنا ہے کہ داعش کے رابطوں کی وجہ سے ہی آصف الیاس کو کالعدم لشکر جھنگوی کی ذمہ داریاں سونپی گئی ہیں ۔لیکن ابھی تک آزاد ذرائع سے ان کی خبروں کی باضابطہ تصدیق سامنے نہیں آسکی۔