اسلام آباد(نیوز ڈیسک) آرمی چیف جنرل راحیل شریف سے امریکی نمائندہ خصوصی برائے پاکستان اور افغانستان ڈین فیلڈ مین نے ملاقات کی جس میں خطے کی سیکیورٹی اور امن و استحکام کی صورت حال پر بات چیت کی گئی۔پاک فوج کے شعبہ تعلقات عامہ آئی ایس پی آر کے مطابق آرمی چیف جنرل راحیل شریف سے ڈین فیلڈ مین نے ملاقات کی جس میں خطے میں سیکیورٹی کی صورتحال اورامن واستحکام سمیت دیگر معاملات پر بات چیت ہوئی۔ ڈین فیلڈ مین نے افغان امن مذاکرات شروع کرانے میں پاکستان خصوصاً آرمی چیف کے کردار کوسراہتے ہوئے کہا کہ امید ہے کہ پائیدار امن کے لئے مذاکرات کا عمل جلد دوبارہ شروع ہو گا۔