اسلام آباد(نیوزڈیسک)ملاعمر کی موت کی رپورٹ اور اس کے نتیجے میں پیدا ہونے والی غیر یقینی صورت حال کے باعث 31جولائی کو پاکستان میں ہونے والا مذاکرات کا دوسرا دور ملتوی کردیا گیا۔ ترجمان دفترخارجہ کی جانب سے جاری بیان میں کہاگیا ہے کہ تحریک طالبان سے مذاکرات کا دوسرادورملاعمرکی موت کے بعدغیر یقینی صورتحال کے باعث ملتوی کیاگیا، اس سلسلے میں طالبان قیادت نے بھی درخواست کی تھی۔ ترجمان کاکہناہے کہ پاکستان اوردیگردوست ممالک پرامید ہیں کہ طالبان قیادت امن مذاکرات سے جڑی رہے گی اور مذاکرات مخالف قوتیں اپنے مقاصد میں کامیاب نہیں ہوسکیں گی