اسلام آباد(نیوزڈیسک) این ڈی ایم اے کے مطابق خیبرپختونخوا، بالائی پنجاب میں مون سون کی تیز بارشوں کے باعث بالائی خیبرپختونخوا، پنجاب، بلوچستان کے ندی نالوں اور دریائوں میں طغیانی اور سیلاب کا خطرہ ہے۔ ندی نالوں، دریاؤں کے قریب واقع آبادیوں کو فوری طور پر خالی کرانے کی ہدایت بھی جاری کر دی گئی ہیں۔ بھارت میں مون سون عروج پر ہے اور بھارت کے پاکستانی دریاؤں میں پانی چھوڑے جانے کے معاملے کو دیکھا جا رہا ہے۔ ترجمان کے مطابق بھارت نے پانی چھوڑا تو اس سے بڑے پیمانے پر تباہی کے امکانات ہیں۔ سیلاب کے خطرات اور لوگوں کے انخلا سے متعلق پاک فوج سے رابطے میں ہیں۔