سیالکوٹ(نیوزڈیسک) اقوام متحدہ کے ملٹری آبزرور گروپ نے بھارت کی جانب سے پاکستانی سرحدی علاقوں میں فائرنگ اور گولہ باری سے متاثرہ آبادیوں کا دورہ کیا اور بھارتی اشتعال انگیزی کا معائنہ کیا۔پاک فوج کے شعبہ تعلقات عامہ ( آئی ایس پی آر) کے مطابق اقوام متحدہ کے ملٹری آبزرور گروپ نے بھارتی جارحیت سے متاثرہ ہونے والے سیالکوٹ کے قریب سرحدی علاقوں کا دورہ کیا جب کہ گروپ نے بھارت کی اشتعال انگیزی کا نشانہ بننے والی آبادیوں کا خود جائزہ بھی لیا۔ ملٹری آبزرور گروپ کے ارکان نے جن متاثرہ علاقوں کا دورہ کیا ان میں صالح پور، چھپرار اور ملانی سیکٹر شامل ہیں جہاں ارکان نے بھارتی فائرنگ اور شیلنگ سے زخمی ہونے والے دیہاتیوں سے بھی ملاقات کی