کراچی(نیوزڈیسک) محکمہ انسداد دہشت گردی (سی ٹی ڈی) کی خصوصی ٹیم نے کراچی میں روپوش کالعدم تحریک طالبان سوات کے سابق لوکل کمانڈر عقل نواب کو گرفتار کرکے ہینڈ گرنیڈ اور اسلحہ برآمد کرلیا ہے۔گرفتار ملزم نے دوران تفتیش انکشاف کیا ہے کہ اس نے اپنے دیگر ساتھیوں کے ہمراہ مفتی بشیر کے کہنے پر چک دوہ کی ایک یونیورسٹی پر حملہ کیا ۔اس حملے میں پولیس سے مقابلے کے دوران ملزم کے 5ساتھی مارے گئے جبکہ 3پولیس اہلکار بھی شہید ہوئے ۔ملزم نے بتایا کہ کالعدم تحریک طالبان سوات کے امیر مفتی خلیل کی ہدایت پر اس کے 25ساتھیوں نے تھانے پر حملہ کیا جس میں اس کے 2ساتھی مارے گئے ۔ملزم نے ضرب عضب سے بچنے کے لیے کراچی میں روپوشی اختیار کر رکھی تھی ۔ملزم تھانہ شموزئی سوات کے پی کے میں مقدمہ نمبر 22/2009زیر دفعہ 353/384/365ت پ 7ATAمیں مطلوب ہے ۔ملزم سے مزید تفتیش جاری ہے