اوسلو(نیوزڈیسک)وزیراعظم نواز شریف کا کہنا ہے کہ دہشت گردی سے متاثرہ علاقوں میں تعلیم کے شعبے میں خصوصی توجہ دے رہیں ہیں، شمالی وزیرستان سے نقل مکانی کرنے والوں کی بحالی کے لیے اربوں روپے درکار ہیں۔ان خیالات کا اظہار وزیر اعظم نواز شریف نے اوسلو میں تعلیم کے موضوع پرسربراہ اجلاس سے خطاب کرتے ہوئے کیا۔ ان کا کہنا تھا کہ پاکستان دہشت گردی،سیلاب اور دیگرچیلنجز کے باوجود تعلیم پرخصوصی توجہ دے رہا ہے، دہشت گردی سے متاثرہ علاقوں میں تعلیم اور اساتذہ کی تربیت پر خصوصی توجہ دے رہے ہیں، تعلیم کا فروغ عالمی برادری کی اولین ترجیح ہونی چاہیے