لاہور(نیوزڈیسک)پاکستان پیپلز پارٹی کے شریک چیئرمین بلاول بھٹو نے پارٹی کی گرتی ہوئی ساکھ کی بحالی کے لئے خود عملی طور پر سر گرم ہونے کا فیصلہ کیا ہے ، عوام کی نبض کے مطابق مہنگائی خصوصاً لوڈ شیڈنگ کے خلاف عید الفطر کے بعد سڑکوں پر آنے کی بھرپور کال دی جا سکتی ہے ،احتجاج میں دوسری جماعتوں کو شامل کرنے کیلئے رابطے بڑھانے پر بھی غور شروع کر دیا گیا تاہم حتمی فیصلہ رمضان المبارک کے بعد کیا جائے گا۔ ذرائع کے مطابق بلاول بھٹو زرداری نے رہنماﺅں اور کارکنوں کی طرف سے پیپلزپارٹی پر فرینڈلی اپوزیشن کا لیبل لگنے کے تحفظات سامنے آنے پر پالیسی میں تبدیلی کا فیصلہ کیا ہے جس کے تحت آنے والے دنوں میں پیپلز پارٹی پیپلز پارٹی حقیقی اپوزیشن کا کردار ادا کرےگی۔ بلاول بھٹو اس سلسلہ میں لاہور سمیت پنجاب کے مختلف اضلاع کے طوفانی دورے بھی کر سکتے ہیں اور عوام ایشوز پر کھل کر بات کرینگے ۔