کراچی(نیوزڈیسک )شہرقائد میں گرمی سے متاثرہ مزید 26 افراد دم توڑ گئے جس کے بعد جاں بحق ہونے والے افراد کی مجموعی تعداد 1200 سے تجاوز کر گئی ہے۔

شہرکے سرکاری اور نجی اسپتالوں میں گزشتہ رات سے اب تک مزید 26 افراد دم توڑ گئے جب کہ کراچی کے سب سے بڑے سرکاری اسپتال جناح اسپتال ذرئع کا کہنا ہے کہ ہیٹ اسٹروک کے متاثرہ 354 افراد اب تک اسپتال میں دم توڑ چکے ہیں۔ دوسری جانب محکمہ صحت کے ذرائع کا کہنا ہے کہ ہیٹ اسٹروک سے اب تک جاں بحق افراد کی مجموعی تعداد 1130 ہوچکی ہے جب کہ آزاد زرائع کے مطابق گرمی کی شدت سے جاں بحق ہونے والے افراد کی تعداد 1200 سے زائد ہے۔