اسلام آباد(نیوزڈیسک)ایم کیو ایم کے رہنماءڈاکٹر عمران فاروق قتل کیس میں ملوث تین ملزموں کواسلام آباد منتقل کردیاگیا، اسکاٹ لینڈیارڈ کی پانچ رکنی ٹیم بھی اسلام آباد پہنچ گئی ہے۔ذرائع کے مطابق عمران فاروق قتل کیس کے تینوں ملزموں کواسلام آباد منتقل کردیاگیا ہے ڈاکٹر عمران فاروق قتل کیس میں ملوث ملزم معظم علی کوکراچی سے اسلام آباد منتقل کیاگیاہے ملزم محسن علی اور خالدشمیم کوکوئٹہ سے اسلام آباد منتقل کیاگیا ہے۔ذرائع کے مطابق اسکاٹ لینڈیارڈ کی پانچ رکنی ٹیم بھی اسلام آباد،پہنچ گئی ہے جو عمران فاروق قتل کیس کے تینوں ملزموں سے تفتیش کرے گی۔