ماسکو(نیوزڈیسک)پاک فوج کے ترجمان اورآئی ایس پی آرکے ڈائریکٹرجنرل عاصم باجوہ نے کہاہے کہ دہشتگردی کے خلاف بنائے گئے نیشنل ایکشن پلان پرعمل کرنے سے دہشتگردوں کومختلف ذرائع سے ملنے والی مالی امدادپربڑاکٹ لگ گیاہے اوردہشتگروں کے مالی وسائل تباہ ہوگئے ہیں اورانکو امدادملنے کے راستے مسدود ہوگئے ہیں ۔انہوں نے ایک روسی میگزین کوانٹرویو دیتے ہوئے کہاکہ دہشتگردوں کے مالی وسائل پرکٹ لگنانیشنل ایکشن پلان کی ایک بہت بڑی کامیابی ہے اوراس سے دہشتگردوں کواپنے مذموم مقاصد مکمل کرنے میں ناکامی ہورہی ہے ۔انہوں نے کہاکہ دہشتگردوں کی مالی امدادرکنے سے دہشتگردوں کی کمرٹوٹ گئی ہے ۔