اسلام آباد(نیوزڈیسک) بیرون ملک پاکستانیوں کو ووٹ کا حق،تحریک انصاف نے اپنا وعدہ پورا کردیا،گزشتہ روز تحریک انصاف کے سینئر رہنما عارف علوی نے پریس کانفرننس میں کہاتھا کہ اگر حکومت نے اوورسیز پاکستانیوں کو ووٹ کا حق دینے کے لئے اقدامات نہ کئے تو وہ عدالت سے رجوع کریںگے۔چیئرمین تحریک انصاف عمران خان، عارف علوی اور رخسانہ بھٹی نے فرخ ڈال ایڈووکیٹ کے ذریعے دائر کردہ درخواست میں موقف اختیار کیا کہ سپریم کورٹ نے انتیس اپریل دو ہزار تیرہ کے فیصلے میں بیرون ملک مقیم پاکستانیوں کو ووٹ کا حق دینے کا حکم جاری کیا۔ اسلام آباد بلدیاتی انتخابات سے پہلے بیرون ملک مقیم پاکستانیوں کو ووٹ کا حق دے کر عدالت عظمیٰ کے فیصلے پر عملدرآمد کرایا جائے۔ درخواست میں الیکشن کمیشن ، خارجہ امور اور اسٹیبلشمنٹ ڈویڑن کو فریق بنایا گیا ہے