نئی دہلی (نیوزڈیسک )بھارتی میڈیا نے دعویٰ کیا ہے کہ پاکستان اور بھارت کے درمیان کشیدہ صورتحال اور تعلقات کے باوجود آئندہ ماہ روس میں ہونیوالی شنگھائی تعاون تنظیم ایس او سی کے اجلاس کے موقع پر دونوں ممالک کے وزرائے اعظم کے درمیان ملاقات متوقع ہے بھارتی میڈیا کے مطابق دونوں رہنماﺅں میں ملاقات کا ایجنڈا پاک بھارت تعلقات کو معمول پر لانا اور بہتر کرنا ہوگا اب تک دونوں وزراءاعظم کی ملاقات کے لئے کسی بھی ملک کی جانب سے کوئی درخواست نہیں کی گئی ہے بھارتی میڈیا کا کہنا ہے کہ چند روز قبل وزیراعظم نریندر مودی کے اپنے پاکستانی ہم منصب نوازشریف کے ساتھ ٹیلی فونک رابطے سے دونوں ممالک کے درمیان کشیدگی میں کمی ہوئی ہے اس موقع پر انہوں نے کہا کہ پاکستان اور بھارت کے درمیان پرامن اور دوستانہ تعلقات کی ضرورت ہے واضح رہے کہ ایس او سی کا اجلاس آئندہ ماہ نو تاریخ کو روس کی میزبانی میں ماسکو میں ہوگا۔