اسلام آباد(نیوز ڈیسک)سرگودھا میں دہشتگردی کا بڑا منصوبہ ناکام ہوگیا، خودکش جیکٹس پھٹنے سے دو حملہ آور موقع پر ہلاک ہوگئے۔ تفصیلات کے مطابق سرگودھا میں ہائی وے پل کے قریب دو مبینہ خودکش حملہ آور جیکٹس پھٹنے کے باعث موقع پر ہلاک ہوگئے، عینی شاہدین کے مطابق دھماکہ اس وقت ہوا جب دہشتگرد خودکش جیکٹس پہن رہے تھے ، وہ منزل پر پہنچنے سے قبل ہی انجام کو پہنچ گئے، دھماکہ اس قدر خوفناک تھا کہ علاقے میں خوف و ہراس پھیل گیا۔ ڈپٹی کمشنر اور ڈی پی او پولیس نفری کے ہمراہ موقع پر پہنچ گئے۔ پولیس کے مطابق مبینہ حملہ آور کار میں سوار تھے ، دونوں حملہ آور ازبک باشندے معلوم ہوتے ہیں۔