اسلام آباد(نیوزڈیسک) سپریم کورٹ آف پاکستان نے وزیرریلوے خواجہ سعد رفیق کی الیکشن ٹربیونل کے فیصلے کے خلاف اپیل پر سماعت کرتے ہوئے اعتراضات پر جواب داخل کرانے کی مہلت دیدی ، کیس کی سماعت ایک ہفتہ تک ملتوی کردی گئی ۔ جمعرات کو وزیر ریلوے خواجہ سعد رفیق کی الیکشن ٹربیونل کے فیصلے کے خلاف اپیل کی سماعت ہوئی جسٹس انور ظہیر جمالی کی سربراہی میں تین رکنی بنچ نے کیس کی سماعت کی ۔ خواجہ سعد رفیق کے وکیل خواجہ حارث نے موقف اختیار کیا کہ حامد خان کے وکیل نے ہماری اپیل پر اعتراضات کیے ہیں ، اعتراضات کا جواب دینے کےلئے وقت دیا جائے ، الیکشن ٹربیونل کے فیصلے کے خلاف اپیل کرنا میرے موکل کا قانونی حق ہے ۔ سپریم کورٹ نے سعد رفیق کے وکیل کو اعتراضات پر جواب داخل کرانے کی مہلت دیتے ہوئے کیس کی سماعت ایک ہفتے تک ملتوی کردی ۔